fbpx

Заев до амбасадорите од ЕУ: Ќе соработуваме со опозицијата, со претседателот и со НВО

-

Премиерот Зоран Заев придружуван од вицепремиерите Бујар Османи и Радмила Шекеринска денеска во Владата се сретнале со амбасадорите на земјите-членки на Европската унија, при што нагласил дека заради подобрата иднина на земјата и на сите граѓани, власта ќе соработува со опозицијата, со претседателот на државата и со граѓанскиот сектор.

Средбата се одржува три дена пред првата официјална посета на на Заев на Брисел, ќе има средби со еврокомесарите Федерика Могерини и Јоханес Хан, како и со генералниот секретар на НАТО, Јенс Столтенберг.

– Посветени сме на дефинирање краткорочна и среднорочна агенда за ургентните реформски приоритети. За тоа ќе разговарам и со еврокомесарот Хан во Брисел. Евро-атлантските интеграции се стратешка цел на Македонија  и интерес на граѓаните на Македонија е да добие демократски институции – рекол премиерот пред амбасадорите, соопштуваат од Владата.

На средбата, како клучни области во коишто се потребни итни реформи заеднички се посочени судството, медиумите, обезбедување независни професионални институции, функционалност на Парламентот.

Заев на средбата уште еднаш ја нагласил подготвеноста да соработува со опозицијата и со претседателот на државата, како и со граѓанскиот сектор, заради заеднички придонес за развој на Македонија и за обезбедување квалитетен живот за сите граѓани.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Израел ја бомбардира Сирија, има над 40 жртви

Израел го бомбардираше регионот околу градот Алепо во Северна Сирија, пренесува Гардијан. Израелските сили таргетирале членови на либанската паравоена организација Хезболах. Има повеќе различни контрадикторни информации за бројот на убиени,...