Утрово времето е облачно и студено и речиси насекаде има врнежи од снег со слаб до умерен интензитет. Во текот на ноќта врнежите од дожд поминаа во снег и на пониските места.

Најмногу снег наврна на Маврово, каде снежната покривка достигна 10 сантиметри, а таму утринава беше измерена и најниска температура од минус 10 Целзиусови степени.

Забрани за тешки товарни возила има на патните правци Гостивар – Маврово – Дебар, Гостивар – Стража – Кичево и обратно како и на превојот Ѓавато, информира Автомото-сојузот на Македонија.

Сообраќајот на сите државни патишта се одвива по влажни коловози. Слаб снег провејува насекаде, но не се задржува на коловозите.