Позитивна на ковид-19 е медицинска сестра од Неонaтолошкиот оддел на Гинеколошко – акушерското одделение до Клиничката болница во Штип, по што седум родилки од Источниот регион, со нивните бебиња, се ставени во изолација. Направена е дезинфекција на одделението. Ова пополаднето го потврди директорот на Клиничката болница од Штип, Ален Ѓеорѓијев.
„Од Центарот за јавно здравје прават анкети и досега на шест вработени im препорачаа самоиозлација. Се работи за цела смена која имала 24-часовно дежурство со заболената медицинска сестра“, изјави Ѓеорѓијев.
На Физикална терапија позитивни се двајца, како и една медицинска сестра од Инфективното одделение.
Од почетокот на епидемијата вкупно десет медицински работници заболеа од ковид -19.
Во Клиничката болница уште од стартот на епидемијата се работи со редуциран кадар. Околу 10% од вработените или 40 вработени веќе три месеци не работат, поради правото да останат дома со своите деца до 10-годишна возраст.
