fbpx

За Велигден и Рамазан без полициски час, а другите денови да почнува од 21 часот, предлага Комисијата за заразни болести

-

Полициски час да нема за Велигден нoќта на 1 спроти 2 мај, како и за Рамазан Бајрам ноќта на 12 спроти 13 мај предлага Комисијата за заразни болести, а за ова информираше денеска министерот за здравство Венко Филипче.

Предлогот исто така е во наредните денови полицискиот час да почнува од 21 часот, а летните тераси на сите угостителски објекти да почнат да работат, и тоа со работно време до 20:30 часот. Предлозите утре треба да се најдат на владина седница.

Заменик-министерот за здравство, Илир Хасани потенцираше дека немањето полициски час за овие два големи верски празници, значи верниците да почувствуваат слобода, но истовреме и апелираше мерките да ги почитуваат сите, како што се: носење заштитни маски, држење на дистанца и одржување на хигиена.

Филипче додаде дека разговарано е со верските лидери да се придржуваат на протоколите, и организацијата да биде надвор од храмовите. Имајќи го предвид групирањето по храмовите, тој рече дека сè е оставено на свесноста и совеста на граѓаните, бидејќи нема толку голема контрола колку што граѓаните може да прекршуваат и затоа повика на одговорност.

Министерот за здравство исто така потенцираше дека животот не може да запре, и го посочи примерот со Чешка каде што и покрај строгиот карантин, сепак огромниот бран довел речиси до колапс на болниците. Оттука, тој смета дека кога вирусот е широко распространет, такви строги мерки не даваат резултат.

Во однос на вакцинирањето, тој рече дека во мај очекува да пристигне голема количина на вакцини, освен 200.000 кинески и 26.000 на „Фајзер/Бионтек“, се очекуваат и 500.000 на „Синовак“.

Денеска исто така ќе стигнат и 10.000 вакцини на „Фајзер/Бионтек“ преку директниот договор, кој државата го има со оваа компанија.

Тој ги охрабри граѓаните да се пријавуваат за вакцинација, а како што рече, на ред ќе дојдат и пациентите со ретки болести, како и сите кои до сега пројавиле интерес на vakcinacija.mk.

Во однос на состојбата со ковид-пандемијата, Филипче потенцираше дека бројките на заразени се намалуваат, а тоа се чувствува и по бројот на хоспитализирани. Се намалува притисокот врз болниците, како во внатрешноста, така и во Скопје.

Филипче информираше дека Одделението за урологија ќе започне нормално да функционира, а истото се очекува и со хируршките одделенија на Клиничкиот центар во Скопје, кои треба да се ослободат ковид-пациенти по празниците.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...