Во последните три дена регистрирани се 69 нови ковид случаи, а починати лица нема. Направени се 1.640 тестови, а регистрирани се 53 нови случаи во Скопје, во Битола и Тетово по 3, Дебар – 2, Куманово, Прилеп, Гостивар, Штип, Струмица, Кочани, Свети Николе и Берово – по еден случај.
Од вкупниот број на позитивни, регистрирани се 9 реинфекции.
„Регистрирани сe 85 оздравени пациенти. Во текот на изминатите 3 дена не е пријавено ниту едно починато лице. Согласно Регистарот на умрени лица со дијагноза ковид од „Мој Термин“ не се регистрирани починати лица“, информираа во Министерството за здравство.
Досега во земјава се направени вкупно 2.066.665 тестирања на ковид-19. Вкупната бројка на дијагностицирани лицаод почетокот на епидемијата изнесува 312.607, бројот на оздравени пациенти е 302.892, на починати е 9.316, а бројот на активни случаи изнесува 399.