За првомајските празници, в петок, сабота и недела, ограничувањето на движењето почнува во 14 часот, одлучи Владата на својата денешна седница. Поточно, на 1, 2 и 3 мај, односно петок, сабота и недела, ќе биде дозволено движењето на граѓаните од 5 часот наутро до 14 часот попладне. Забраната за движење во целата држава ќе почнува во 14 часот и ќе трае до 5 часот наутро, следниот ден.
„За лицата над 67 годишна возраст, в петок, сабота и недела ќе биде дозволено движење од 5 часот наутро до 11 часот, сите деца и млади лица до 18 години, во петок, сабота и недела ќе може да излегуваат од 12 до 14 часот“, соопшти Владата.