Од полноќ малопродажната цена на Еуродизел се намалува за 1,5 денари за литар, а малопродажните цени на бензините Еуросупер БС-95 и Еуросупер БС-98, како и на екстра лесното масло за домаќинство, се намалуваат за 0,5 денари, одлучи денеска Регулаторната комисија за енергетика (РКЕ).
Во соопштението од РКЕ, пишува дека од полноќ литар Еуросупер БС – 95 ќе чини 81 денар, Еуросупер БС – 98 ќе се продава за 83 денари за литар, дизел горивото ќе чини 74 денари за литар, маслото за горење екстра лесно 1 ќе чини 73,5 денари за литар, а мазутот ќе се продава за 38,130 денари за килограм.