Српскиот премиер Александар Вучиќ, во писмо до Европската комисија, истакна дека поради затворањето на границата со Хрватска, Србија трпи огромни економски штети.
– Со агресивни и со неприфатливи мерки, Хрватска драстично ги погоди нашите национални и витални економски интереси, но и силно ги погоди регионалните односи и стабилност – се наведува, меѓу другото, во писмото на Вучиќ до ЕУ.
Вучиќ укажува на тоа дека едностраната одлука на Хрватска да го забрани протекот на товарни возила, не е поврзана со решавањето на европската мигрантска криза, туку со кршење на Договорот за стабилизација и асоцијација, што директно нанаесува штета на економската соработка на Србија со ЕУ.
