fbpx

Вучиќ: Формирањето војска на Косово е спротивно на уставот и на резолуцијата од ОН

-

Премиерот на Србија, Александар Вучиќ, денеска изјави дека формирањето војска на Косово претставува кршење на резолуцијата 1244 на Советот на безбедност на Обединетите нации и на косовскиот устав, како и дека околу тоа очекува поддршка и помош од ЕУ, САД, Русија и од „сите други“.

На прес-конференција на бизнис-форумот во Копаоник, Вучиќ рече дека вчера телефонски разговарал со претседателот на Косово и дека не се согласиле за формирање на косовски вооружени сили.

Вучиќ ги повика Србите од Косово да „не бидат во страв“ и да останат во своите домови и додаде дека по Бриселскиот договор постојат гаранции дека косовските безбедносни сили не смеат да поминат на северот на Косово без согласност од тамошните жители и од НАТО.

Тој рече дека за ова ја известил и шефицата на европската дипломатија, Федерика Могерини, и дека ни тој разговор „не бил лесен“.

Вучиќ повторно ја обвини меѓународната заедница за двојни стандарди.

– Многу работи во нашиот регион не ги разбирам, ни што се вистинските причини за состојбата во Македонија, не разбирам сè што ни доаѓа од БИХ и од Приштина, но морате да гледате да го сочувате мирот, стабилноста и безбедноста на Србија, тоа е наша рабата – рече Вучиќ.

Претседателот на Косово, Хашим Тачи, вчера во собранието го предаде новиот предлог-закон за безбедносните сили на Косово, во кој мисијата на тие сили се проширува и на одбрана на суверенитетот и на територијалниот интегритет на Косово, но нивното име останува исто.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...