fbpx

Втор случај на делта-варијанта на корона вирус во земјава, Филипче очекува 600.000 вакцини до крајот на јуни

-

Министерот за здравство Венко Филипче вчера потврди дека е откриен втор случај на заболено лице од делта-варијантата на корона вирусот во земјава, којшто првично беше регистриран во Индија. Тој дополни дека станува збор за колега на македонскиот државјанин кој првично беше откриен оти боледува од индискиот сој. И двете лица биле на работа во Ирак, каде што се заразиле од делта-варијантата на ковид-19. Кај вториот пациент симптомите се појавиле подоцна, информираше вчера Филипче.

Во однос на забавеното темпо на вакцинација во земјава, министерот Филипче информираше дека до крајот на јуни се очекува да пристигнат 600.000 дози на вакцини против ковид-19. Преку КОВАКС механизмот, на 28 јуни е предвидено да пристигнат 100.000 дози на вакцини од производителот „Фајзер/Бионтек“. Исто така, Филипче рече дека 250.000 дози од кинеската вакцина „Синовак“ ќе бидат испорачани на 27 или 28 јуни, а останатата пратка од 250.000 вакцини од Кина ќе пристигнат до крајот на месецов.

Според веб-страницата kovid19vakcinacija.mk, во земјава досега се вакцинирани 274.710 лица, додека речиси двојно поголем е бројот на заинтересирани граѓани за вакцинација – 454.104 лица.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...