Саудискиот принц Алвалид бин Талал повика на укинување на забраната жени да возат автомобили.
Принцот преку „Твитер“ порача дека дека е крајно време саудиските власти да им дозволат на жените да управуваат автомобили.
„Сопрете ги дебатите: време е жените да возат“, напиша принцот Алвалид бин Талал.
كفى نقاش:
حان وقت قيادة المرأة للسيارةhttps://t.co/BBgyF8i1Gs
Stop the debate:
Time for women to drivehttps://t.co/6KAniFa4BT
— الوليد بن طلال (@Alwaleed_Talal) November 29, 2016
По краткиот твит, канцеларијата на принцот објави некарактеристично долго соопштение на англиски и на арапски во кое се наведуваат финансиски, економски, социјални, верски и политички фактори, поради кои жените би требало да управуваат автомобили.
„Спречувањето жени да возат автомобили денес е прашање на човеково право, слично на тоа кога на жените им се забранува да се образуваат“, стои во соопштението.
Саудиска Арабија е единствена држава во светот во која е забрането жени да управуваат автомобили.