Екипата на „Шорткат“ беше во посета на скопското угостителско училиште „Лазар Танев“, каде ги затекнавме вредните средношколци како подготвуваат храна во кујните, „печејќи“ ги тестото и занаетот што го одбрале. Повеќе за нивната професија погледнете во 72-та епизода на нашите вести за млади.
И неделава носиме многу нови информации – меѓу нив, за герила акцијата на „Сите за МКЦ“ на музичкиот фестивал „Земјотрес“, како и за Музејот на олдтајмери во Неготино, кој исто така го посетивме неодамна.
На тема образование, информираме за новите дојави за поставени бомби во училиштата, а ќе видиме и до каде е изградбата на новите згради што треба да ги добијат Факултетот за информатички науки и компјутерско инженерство (ФИНКИ) и Факултетот за физичко образование, спорт и здравје (ФФОСЗ) при УКИМ.
И во оваа епизода го носиме најновото од гејминг светот.
„Шорткат“ ќе биде објавена вечерва со почеток во 19 часот на нашите канали на Инстаграм, Јутјуб и Фејсбук.
