Германската влада соопшти дека 125 Авганистанци на кои им е одбиено барањето за азил, доброволно се вратиле во матичната држава.
Германското Министерство за внатрешни работи соопшти дека авион со мигрантите слетал во Кабул.
Враќањето го организирала Меѓународната организација за миграција.
Германскиот министер за внатрешни работи, Томас де Мезијер истакна дека враќањето на мигрантите е важно за обнова на Авганистан.
Владата во Берлин изразила надеж дека враќањето на мигрантите ќе ги одврати Авганистанците да доаѓаат во Германија.