Мерката на Владата која беше донесена за продолжено породилно отсуство, поради ковид-кризата престанува да важи од 23 септември (среда), информираат од таму.
„Останатите вработени лица кои во моментот се оправдано отсутни од работа поради користење на редовно породилно отсуство, истите да се вратат на своите работни места и на редовно извршување на работните задачи по истекот на породилното отсуство. Претходно, Владата ги усвои предлозите на Комисијата за заразни болести при Министерството за здравство за бремените жени да продолжат да ги користат мерките донесени од страна на Владата и тие се ослободуваат од одење на работа,“ се вели во соопштението.
