fbpx

Возачот на комбето од Италија сигнализирал дека има симптоми на корона вирус

-

Возачот на комбето кој превезувал патници, а во кое беше пациентката со корона вирус, денеска сигнализирал дека има кашлица и болки во градите, по што е спроведен е во соба за изолација во Струмица, информира на прес-конференција министерот за здравство, Венко Филипче.

– Земени се материјали за анализа и тие во следните часови ќе бидат изработени. Тој уште првично е сам дома, немал конктакти со семејството. Човекот сам се пријавил на еден од телефоните на епидемилолозите во Институтот за јавно здравје, веднаш беше контактиран од колегите во струмичкиот Центар за јавно здравје. Немал контакти со членови на семејството. Сега, после неговото јавување, транспортиран е во изолиран оддел во Струмица – рече Филипче.

Тој повтори дека по средбата со Комисијата за заразни болести, денеска Владата го прифати прелогот организаторите на јавни собири да ги откажат до 6 март.

– Се откажува струмичкиот карневал, карневалот прочка во Прилеп, а има одлука спортските натпревари да се одржуваат без публика. Ова се потенцира посебно зашто очекуваме на тие настани да има многу луѓе од регионот на Северна Италија кои таму работат, а сега се дојдени тука. Во овој момент нема ниедна епидемиолошка причина да се воведе генерална забрана – рече министерот.

По наодите за драстично зголемени цени на сите заштитни материјали по аптеките, деновиве ќе започне контрола на економските оператори. Можно е да одговараат оние кои со цел да профитираат, драстично ги зголемиле цените на заштитните маски, антибактериските гелови и останатите материјали за превентива.

– Нема простор за паника, ги преземаме сите мерки, епидемиолозите будно ја следат ситуацијата и во секој момент сме подготвени да воведеме нешто друго ако е потребно – рече Филипче.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...