fbpx

Воз од Белград и Ниш за Солун од 14 јуни

-

„Србија воз“ од 14 јуни повторно го воведува во сообраќај експресниот воз од Белград за Скопје и Солун. Патниците ќе можат секојдневно да патуваат, со поаѓање од белградската железничка станица Топчидер во 18.35 часот и пристигнување во Солун во 9.33 часот. Во обратна насока, возот од Солун за Белград ќе поаѓа во 18.51 часот и ќе пристигнува во Белград во 8.14 часот. Возот ќе сообраќа до 16 септември, при што на релацијата Гевгелија – Солун – Гевгелија патниците од возот ќе бидат превезувани со автобус во организација на Грчките железници – ОСЕ.

Цената на повратна карта со воз меѓу Белград и Солун изнесува 57 евра, со вклучена резервација на седиште. Покрај патнички вагони, во возот „Хелас експрес“ секојдневно ќе сообраќа кушет вагон за спиење, чие користење чини 8 евра во еден правец на релацијата меѓу Белград и Солун. Меѓу Солун и Ниш, цената на повратен билет изнесува 35,5 евра. Возот од Ниш за Солун и Скопје поаѓа во 23.18 часот.

Српската метропола во летниот период ќе биде поврзана со воз и до Скопје, до каде ќе може да се патува со повратна карта од 27,60 евра. Возот од Скопје за Белград и Ниш ќе поаѓа во 22.19 часот. Во обратен правец, возот од Белград и Ниш ќе пристигнува во Скопје во 4.25 часот. Повратната карта меѓу Скопје и Ниш чини 13,7 евра.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...