fbpx

„Волстрит џурнал“: Можна е забрана за влез во ЕУ на функционери на ВМРО-ДПМНЕ поради одлуката на Иванов

-

Висок претставник на ЕУ вели дека западните земји ќе се ангажираат поагресивно против претседателот на ВМРО-ДПМНЕ, Никола Груевски, и други високи функционери доколку одлуката за амнестија на Иванов за политичари обвинети за измама и за корупција навистина се спроведе, пишува „Волстрит џурнал“.

„Помеѓу можните казни поради одлуката, се забрана за патување во шенген-зоната за македонски политичари, повлекување на помошта за мигрантската криза и запирање на поддршката за евроатланската интеграција на државата. Македонија беше силен пример за демократска транзиција до 2000 година, а оттогаш нашироко се гледа дека владеењето се влоши. Официјални лица од Брисел веруваат дека амнестијата на претседателот Иванов била со намера да ја заштити контролата на власта од ВМРО-ДПМНЕ и кругот околу Груевски. Други дипломати во Скопје веруваат дека Иванов можеби дејствувал без одобрување од ВМРО-ДПМНЕ“, пишува „Волстрит џурнал“.

Текстот вели дека помилувањето на политичарите обвинети за измама и за корупција предизвикало улични протести и поплаки од Европската Унија и од САД, истакнувајќи ја нивната загриженоста за назадување на демократското владеење во делови на Источна Европа.

Според „Волстрит џурнал“, тензиите дошле во непријатно време за ЕУ, бидејќи унијата се потпира на малата поранешна југословенска земја да ја блокира Балканската бегалска рута.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...