Во балтичките земји и во Полска почнаа воените вежби на НАТО предводени од САД, чија цел е да се смират соседите на Русија кои беа вознемирени поради тензиите околу Украина.
Повеќе од 6.000 војници од 13 земји-членки на НАТО учествуваат во воени вежби во Естонија, Летонија, Литванија и во Полска, сите членки на ЕУ и на НАТО.
– Ова се едни од најголемите вежби од 2004 година, кога Литванија влезе во НАТО – изјави за новинарите генерал мајор Алмантас Леика, командант на копнените сили на Литванија.
