Во Виена денеска продолжуваат разговорите за спорот за името меѓу министрите за надворешни работи на Република Македонија и Грција, Никола Димитров и Никос Коѕиас, под покровителство на медијаторот Метју Нимиц. Средбата се одржува во канцелариите на ОН.
Засега нема информации до кога ќе трае средбата и дали по средбата ќе има изјави за медиумите.
Двете министерства и македонското и грчкото, на нивните официјални „Твитер“ профили објавија фотографии од средбата.
The meeting between FM @Dimitrov_Nikola & FM @NikosKotzias in the presence of #Nimetz, PESG of #UN has just begun at the @UN_Vienna premises. pic.twitter.com/4PmpCzRgkb
— MFA North Macedonia 🇲🇰 (@MFA_MKD) April 25, 2018
#Vienna: FM @NikosKotzias meets w/ #fYROM FM @Dimitrov_Nikola & #UNSG Personal Envoy for #fYROM name talks Matthew Nimetz / Συνάντηση ΥΠΕΞ N. Κοτζιάς με τον ΥΠΕΞ πΓΔΜ N. Dimitrov & τον Προσωπικό Απεσταλμένο ΓΓ ΟΗΕ M. Nimetz στη Βιέννη pic.twitter.com/FAL5mFDueC
— Υπουργείο Εξωτερικών (@GreeceMFA) April 25, 2018
Премиерот Зоран Заев денеска на новинарско прашање изјави дека очекува напредок во преговорите меѓу двете земји.
– Има напредок кој ни дава причина да веруваме дека може да се направи исчекор и сега, во Виена, да ја искористиме секоја можност за приближување кон конечното решение. Верувам дека креативноста на двајцата министри, тимовите зад нив и јас и Ципрас од другата страна даваме поддршка и охрабрување за да се изнајдат конструктивни и креативни решенија кои буквално ќе ги задоволат двете страни во нивните очекувања и ќе бидат достоинствени за двете земји и нивните граѓани – рече Заев.
