Турската полиција уапсила 283 лица, кои се осомничени дека се членови на Исламска држава, соопштија денеска турските власти.
Апсењата, како што се наведува, се извршени во последните 10 дена, во 25 турски провинции.
За време на акцијата, полицијата запленила 66 импровизирани експлозивни направи.
Меѓу уапсените, 96 се државјани на Турција, додека 187 се страници, но не се прецизира чии државјани се.
Исламска држава се смета за одговорна за неколку напади во Турција, во кои од 2015 година па досега загинаа повеќе од 300 лица.
