fbpx

Во тензична атмосфера изгласан Законот за употреба на јазиците

-

Собранието во тензична атмосфера со 64 гласа „за“ без против и воздржани гласови го донесе законот за употреба на јазиците без да расправа за 36.000 амандмани поднесени од опозициската ВМРО-ДПМНЕ.

На ова повторно реагираа пратениците на ВМРО-ДПМНЕ предводени од нивниот поранешен лидер Никола Груевски кој повторно се приближи до столчето на претседателот на Собранието Талат Џафери и му рече „Немојте на сила“ и „Вас нема ништо да ви направам, но не е добро на сила“. Собраниското обезбедување интервенираше и спречи поголем физички инцидент со Груевски, го изнесе претседателот Џафери.

Во салата сè уште се присутни пратениците на власта и опозицијата.

И претходно за малку беше избегната физичка пресмета помеѓу Груевски и Џафери. Пред паузата од 15 минути, поранешниот премиер Груевски застана директно пред Џафери, удираше по масата, по ѕвончето, му го мрдаше микрофонот и му ја истури чашата со вода. Потоа тој се качи зад Џафери и му го исклучуваше микрофонот.

Додека Џафери излегуваше од салата кон него се приближи Груевски, но обезбедувањето на Собранието спречи посериозен физички контакт.

Случувањата во Собранието потврдија дека токму Никола Груевски стои зад обидите да се блокира работата на Собранието и зад обидите да се блокираат реформските процеси и евро-атлантската перспектива на Македонија, реагираа од СДСМ преку партиско соппштение.

Од таму велат дека „тоа е потврда дека Христијан Мицкоски е само марионета на осомничениот Груевски и дека воопшто не поседува капацитет за да ја реформира ВМРО-ДПМНЕ“.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска го доби Ковачки на суд и се откажа од 10.000 евра што требаше тој да ѝ ги плати за клевета

Основниот граѓански суд - Скопје утврдил граѓанска одговорност за клевета врз министерката Славјанка Петровска од Драган Ковачки од ВМРО-ДПМНЕ. Петровска на својот профил на Фејсбук ја објави пресудата. „Како што...