fbpx

Во Србија рехабилитиран четничкиот командант Никола Калабиќ

-

Вишиот суд во српскиот град Ваљево донесе одлука за прифаќање на барањето за рехабилитација на некогашниот четнички командант Никола Калабиќ. Со решението за рехабилитација, судот практично ги поништи сите претходни одлуки на државниот комисии и судот и нивните правни последици, па Никола Калабиќ сега како рехабилитиран се прогласува и за неосудуван.

Калабиќ во текот на Втората светска војна беше еден од најистакнатите четнички команданти и се смета за одговорен за повеќе масакри извршени од припадниците на Корпусот на горската гарда во космајскиот, смедеревскиот и аранѓеловачкиот регион во текот на втората половина на 1943 и првата половина на 1944 година.

Според сега прифатената верзија, Калабиќ по Втората светска војна бил заробен од ОЗНА и прифатил да соработува во операцијата за четничкиот водач Драгољуб Дража Михајловиќ.

Постапката пред Вишиот суд во Ваљево траеше пет години, а барањето за рехабилитација го поднесе внуката на Калабиќ.

Решението за рехабилитација е првостепено, а Вишиот обвинител најави тужба, со што ќе треба да се чека на одлуката на повисоката судска инстанца, која може да ја потврди или да ја поништи рехабилитацијата.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...