Во Шуто Оризари, почнувајќи од денеска, ќе работи гинеколошка ординација.
Министерството за здравство информира дека гинеколошката ординација ќе работи трипати неделно, односно секој понеделник, среда и петок, во периодот од 8:30 до 14:30 часот.
„Во овие термини во ординацијата ќе работи медицински тим од доктор и од медицинска сестра. Кадарот е ангажиран од Специјалната болница за гинекологија и акушерство „Мајка Тереза“ – Чаир, каде веќе е подготвен распоред за обезбедување здравствена заштита во гинеколошката ординација во Шуто Оризари. Станува збор за привремено решение за обезбедување гинеколошка здравствена заштита до завршување на огласот и почнување со работа на матичен гинеколог. Инаку, огласот за изразување интерес за матичен гинеколог во општина Шуто Оризари (како и во општина Ново Село) е објавен на 4 ноември, а рокот за пријавување е заклучно со 18 ноември. За избранитe матични гинеколози во овие две општини предвидена е дополнителна финансиска стимулација од 15.000 денари месечно за период од две години, обезбедена од Министерството за здравство од превентивните програми“, соопштуваат министерството.