Руски беспилотни летала и ракети убија најмалку 10 цивили во Украина во вечерни напади, соопштија локалните власти денеска, а седум смртни случаи се пријавени во главниот град Киев, каде што екипите за итни случаи брзаат да пронајдат луѓе за кои се верува дека се заробени под урнатините на делумно срушена станбена зграда, пренесува АП.
Русија активираше 352 беспилотни летала ноќеска, како и 11 балистички ракети и пет крстаречки ракети.
Воздушната одбрана пресретнала и блокирала 339 беспилотни летала и 15 ракети пред да можат да ги достигнат своите цели, се вели во соопштението.
Нападите се случиле речиси една недела по комбинираниот руски напад врз Украина минатиот вторник во кој загинаа 28 лица во Киев, од кои 23 во станбена зграда што се урнала откако била директно погодена од ракета. Украинскиот претседател Володимир Зеленски го нарече тој напад едно од најголемите бомбардирања на војната, која сега е во четвртата година.
