Во касарната „Мирче Ацев“ во Прилеп, со почеток во 11 часот со воена свеченост единиците од гарнизонот Прилеп, го одбележаа 18 август, Денот на АРМ .
По повод 23 години од формирањето на Армијата на Република Македонија во рамките на прославата се изврши полагање свежо цвеќе на споменикот на Мирче Ацев во кругот на касарната, а потоа следеше постројување на припадниците на единиците од гарнизон Прилеп, интонирање на државната химна на Република Македонија и химната на АРМ, оддавање на почит на загинатите борци за Македонија и загинатите и починатите припадници на АРМ. Празникот го честиташе командантот на гарнизон Прилеп, полковникот Жарко Ристески, кој имаше пригоден говор, а потоа беа соопштени наредби за унапредување на старешини, врачување на одликувања, награди и пофалби.
По завршување на официјалниот следеше Тактичко Технички збор на вооружување и воена опрема со кои располага единицата како и коктел за присутните.