Во пожар што избувнал во куќа на улица „Партизанска“ во Радовиш, тешко е повреден еден пожарникар, а целосно изгорен е вториот спрат и кровната конструкција на куќата.
Пожарникарот кој се повредил при гаснењето на пожарот, прво бил хоспитализиран во Клиничката болница во Штип, но поради сериозност на повредите испратен е на скопските клиники.
Во гаснењето на пожарот учествувале девет пожарникари и три противпожарни возила. Од противпожарна служба информираат дека пожарот најверојатно настанал од компјутер, а потоа се проширил на завесата и останатиот мебел.