fbpx

Во пожар во Париз загинаа 10 лица, а над 30 се повредени

-

Во пожар во зграда во југозападен Париз, близу Булоњската шума, за кој обвинителството се сомнева дека е подметнат, загинаа 10 лица, меѓу кои  едно бебе, а над 30 се повредени  – шестмина од нив се пожарникари.

Над 50 луѓе биле евакуирани од пожарникарите од осумкатницата во 16-от арондисман на францускиот главен град.

Јавниот обвинител на Париз изјави дека пожарот е веројатно подметнат, а засега осомничена е една жена.

Пожарот избил околу 1 часот ноќеска на вториот кат на зградата на улицата Ерланже, во близина на фудбалскиот стадион „Парк де принсе“, а набргу голем број станари од зградата изградена во 1970-те години спас барале на покривите на соседните згради. Некои се префрлале од балкон на балкон.

Околу 250 пожарникари повеќе од пет часа го гаснеле пожарот. Можно е да има уште загинати, бидејќи пребарувањето на становите сè уште не е завршено.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Украинската одбрана соборила 84 руски воздушни цели

Ноќеска Русија изврши уште еден масовен воздушен напад врз украински објекти за гориво и енергија, соопшти украинската одбрана. Непријателот ја нападнал Украина со 60 беспилотни летала Шахед и 39 проектили...