fbpx

Во последните 24 часа се направени 314 тестирања, има 16 нови случаи на Ковид-19

-

Денеска се потврдени 16 нови случаи на корона вирус, оздравени се 14 пациенти, а починаа 3 лица, информира Министерството за здравство, според податоците од Институтот за јавно здравје. Од регистрираните 14 оздравени пациенти, во Скопје се 3 и во Тетово се 11.

На Клиниката за инфективни болести и фебрилни состојби почина пациентка од Велес (78г), хоспитализирана на 14 мај. Во ГОБ „8 септември“ почина пациент од Тетово (84г), примен на 20 мај и пациентка од Скопје (76г) примена на 19 мај.

Во последните 24 часа направени се 314 тестирања, а регистрирани се 16 нови случаи на Ковид-19 и тоа во: Скопје 9, Штип 5, и во Струга и Гостивар по еден.

Вкупната бројка на дијагностицирани во нашата земја од почетокот на епидемијата изнесува 2.014, бројот на оздравени е 1.453, на починати е 116, а во моментов бројот на активни случаи изнесува 445, од кои најмногу се во Скопје, 733.

Од вкупно направените тестови во изминатото деноноќие, 169 теста се во рамките на скринингот, а тестирањата се направени преку Центрите за јавно здравје во Велес, Кочани, Куманово и Скопје, во градинки и геронтолошки установи при што не се регистрирани позитивни случаи на Ковид-19.

„Лицето кое на 24 мај, преку скринингот во геронтолошка установа во Скопје, е запишано со позитивен резултат, направен е технички превид при евиденција и согласно исправката, направена е корекција на вкупната статистика. Вработената во геронтолошкиот завод во Скопје е негативна на вирусот и досега, освен два позитивни резултати во градинка во Битола и во Скопје, не се регистрирани други позитивни случаи преку скрининг“, соопшти Министерството за здравство.

На Клиниката за инфективни болести и фебрилни состојби во изминативе 24 часа примени се 3 нови пациенти, хоспитализирани се вкупно 56 пациенти. На кислородна поддршка се 25, на механичка вентилација се 3 пациенти. Во ГОБ „8 септември“ примени се 5 нови, а вкупно хоспитализирани 22 пациент. На респиратор се 7, a со потешка клиничка слика се уште 5 пациенти. Во болницата во Битола се хоспитализирани 4 пациенти, а на домашно лекување се следат уште 4 пациенти. Во болницата во Штип се хоспитализирани 5 пациенти, на домашно лекување се следи 1 пациент. На ифективните одделенија во Велес, Куманово, Прилеп и Охрид се хоспитализирани 41 пациент- позитивни и сомнителни на Ковид-19.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...