По повеќедневните обилни дождови, нивото на водата во централните и во источните делови на Кина почна да опаѓа. Поради надојдената вода, реките пробија брани, ги поплавија градовите и селата, го сопреа јавниот превоз, а најмалку 181 лице загинале или се исчезнати.

Кинескиот премиер Ли Кечијанг ги посетил најзагрозените подрачја повикувајќи ги локалните власти да се справат со поплавите, да ги обезбедат главните брани и да го заштитат локалното население.

Претседателот Си Џинпинг нареди војската и полицијата да се испратат како поддршка на погодените области.