Најмалку четири лица настрадаа, а повеќе од 1.000 се принудени да ги напуштат своите домови поради поплавите што погодија голем дел од северот на Филипините.
Обилните монсунски дождови врнат со денови во провинциите кои главно се занимаваат со земјоделство, поради што се поплавени и патиштата, а 3.000 лица се евакуирани, пренесува АФП.
Меѓу настраданите е и шестмесечно бебе, кое е затрупано при лизгање на земјиште.
Филипини секоја година ги погодуваат околу 20 тајфуни во кои има и жртви.
