fbpx

Во понеделник граѓански протест за луѓето кои живеат со ХИВ: „НЕ за штедење од здравјето на луѓето!!!“

-

Во понеделник, со почеток во 11 часот пред Владата на Република Македонија, здруженијата во склоп на Платформата за одржливост на услугите за превенција и поддршка во врска со ХИВ ќе одржат граѓански протест: „НЕ за штедење од здравјето на луѓето!!!“ за неодамнешната одлука на Владата да го намали за 40 отсто буџетот одвоен за лекување на ХИВ.

„Во изминативе 3 месеци се обидовме на секој можен начин институционално да го разрешиме ова прашање, но за жал не наидовме на навремено разбирање од страна на Министерството за здравство и Владата на РСМ кои не укажаа на никакво сензибилирано партнерство со граѓанските организации кои со декади работат во областа на унапредување и зачувување на јавното здравје и дека луѓето кои живеат со ХИВ“, се вели во соопштението за протестот.

Од организацијата велат дека потребата за искажување на револт е резултат на политиките на штедење и кратење финансиски средства од здравствени програми од страна на Владата на РСМ преку Министерството за здравство бидејќи, како што потенцираат, граѓаните кои се најзасегнати од ХИВ епидемијата се стигматизирани, маргинализирани и исклучени од јавното здравство.

Платформата ја сочинуваат Здружението за поддршка на луѓето што живеат со ХИВ – ЗАЕДНО ПОСИЛНИ Скопје (организација на пациенти), ХЕРА – Асоцијација за здравствена едукација и истражување Скопје, ХОПС – Опции за здрав живот Скопје, Здружение ЕГАЛ Скопје, Здружение Доверба Скопје, Здружение СТАР-СТАР Скопје, Црвен крст на Република Северна Македонија, Опција – Охрид, Зона – Кавадарци, ХЕЛП – Гостивар, Младински Клуб – Штип, Избор – Струмица, ПУЛС – Куманово и Виа Вита – Битола.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Распишан конкурс за наградата „23 Октомври“

Одборот за доделување на државната награда „23 Октомври“, распиша конкурс за доделување на државната наградата за 2024 година. „Со државната награда се оддава највисоко признание за долгогодишни остварувања во областа...