fbpx

Во Пелагонија сè уште е рано за санирање на штетите

-

Регионалниот пат Битола – Новаци е прооден за сообраќај по санирањето на откорнатиот пат. Од синоќа е поставен тампон и бетон, а водата на Црна истекува преку голема цевка под преминот. Сепак, водата во поплавената Пелагонија никако да се повлече од нивите и од дворовите. Засега се одложува санацијата на оштетените патишта и мостови, како и дезинсекцијата и дезинфекцијата. Повеќе од 2.000 хектари ниви од индивидуалниот сектор и повеќе од 9.000 хектари на ЗК „Пелагонија“ во општина Новаци се целосно под вода. Но, за среќа, помали се штетите во селата кај куќите и шталите.

– Иако водата навлезе во селото, сепак Новаци е спасено од целосно поплавување со насипи. И понатаму сме на готовс да не се повторат поплавите – вели Цветан Јанкуловски, жител на селото Новаци.

Нивото на Црна денеска е пониско од четири метри, но сепак водата и натаму е закана за регионот со оглед на новите врнежи и топењето на снегот. Градоначалникот на Општина Новаци, Лазе Котевски, вели дека насипите околу селата ги спасија домовите на мариовци од поплавите.

– Насипот во должина од три километри што го направивме околу селото Новаци, спаси повеќе од сто куќи од поплавување. Исти такви насипи ги спасија и селата Рибарци и Гнеотино. Ако не беа насипите, за пет часа, како што надоаѓаше водата, селата ќе пливаа во вода – вели Котевски.

Според него, од поплавите во општина Новаци најмногу е оштетен патот Брод – Гнеотино, каде што е и новиот рудник на РЕК Битола, како и патот Новаци – Рибарци. Исто такам во Новаци ќе се почека и за дезинфекција и за дезинсекција сè додека не се повлече водата.

А.Б.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Петровска: Членството во НАТО отвора можност за развој на науката и технологијата

„Членството во НАТО на сите членови на академската заедница- професори, истражувачи и студенти им отвора нова димензија на поддршка, на можност за соработка со колегите од сојузничките и партнерски...