Репортажа од дивите депонии низ Скопје коишто не се исчистени, иако беа ветени дека ќе се исчистат во првите 82 дена од раководењето на градоначалничката Данела Арсовска. Ова е главната тема во новата емисија за млади „Шорткат“, а на темата за проблемот со отпадот во земјава информираме и за најавеното отпочнување со чистење на депониите и ѓубриштата во Источен и Североисточен плански регион, коешто овој пат се ветува за во март.
Во најновата епизода на „Шорткат“ ги носиме вестите и за првата онлајн друштвена игра за политичка едукација на младите „Изборологија“, за објавувањето на македонски јазик на друштвената игра „Катан“, за изложбата во Тетово „Метаморфозис – Од хаос до уметност“, а се потсетуваме и на најгледаното видео на Јутјуб на сите времиња „Бејби Шарк“.
