Договор за прекугранично движење на граѓаните на двете земји со биометриски лични карти, како и за отворање на граничниот премин Белановце – Станчиќ, денеска во Приштина потпишаа министрите за надворешни работи на Македонија и на Косово, Никола Попоски и Хашим Тачи.
Двајцата министри оценија дека овие договори ќе бидат од корист на граѓаните и на бизнисите од двете земји, а ќе овозможат и зголемена размена на искуства меѓу младите, како и интензивирање на економската соработка.
Со биометриска лична карта, покрај во Србија и во Албанија, сега може да се патува и во Косово.
