Дневниот центар за лица со посебни потреби денеска свечено го отворија министерот за труд и социјална политика, Диме Спасов, и градоначалничката на Општина Кисела Вода, Билјана Беличанец-Алексиќ.
– Ова претставува прв ваков дневен центар кој е приватен и кој се отвора во оваа општина. Како Министерство за труд и социјална политика и како Влада на Република Македонија, наш приоритет е развивање на мрежата на дневни центри за деца со посебни потреби и со пречки во развојот. Досега се отворени 27 дневни центри и шест приватни дневни центри за деца со пречки во развојот. Само оваа година Министерството за труд и социјална политика во соработка со општините во Република Макенија инвестира во отворање на седум дневни центри во различни општини, во различни градови во нашата земја, набрзо очекуваме да бидат отворени во Скопје, во Општина Центар, во Велес, Кочани, Штип, Липково и во Битола – рече Спасов.
