fbpx

Во Индонезија не се појавил џиновски октопод, фотографијата е плод на вештачка интелигенција

Проверката на Вистиномер откри дека сликата е создадена со помош на вештачка интелигенција (ВИ). Ја пребаравме фотографијата на Гугл и откривме дека таа била споделена на Инстаграм од корисник на сметка наречена „best_of_ai“

-

Фотографијата не е реална, таа е креирана со помош на вештачка интелигенција, што значи дека не е вистина оти на брегот на Индонезија се појавил џиновски октопод, пишува Вистиномер. 

Текстот го пренесуваме интегрално:

 

Анализираме објава на Фејсбук која тврди дека џиновски октопод се појавил на брегот на Бали, Индонезија.

Луѓето кои велат дека пространоста на океанот е пострашна од вселената, се во право. Џиновски октопод се појави на брегот на Бали, Индонезија. 4 јуни 2024 година, стои во објавата која споделува и фотографија од наводниот џиновски октопод.

Проверката на Вистиномер откри дека сликата е создадена со помош на вештачка интелигенција (ВИ). Ја пребаравме фотографијата на Гугл и откривме дека таа била споделена на Инстаграм од корисник на сметка наречена „best_of_ai_“, кој себеси се опишува како „Дигитален креатор“. Фотографијата носи наслов  „Тагувањето на титаните“. Притоа, се раскажува приказна за која најдоле пишува дека е фикција, односно измислена.

Овој профил на Инстаграм содржи серија фотографии генерирани со вештачка интелигенција, за кои е видливо дека сите се вештачки создадени, нагласувајќи го експериментирањето на креаторот со различни технологии, теми и стилови на вештачка интелигенција, особено фокусирајќи се на генерирање слики од чудовишта.

Вистиномер ја искористи и алатката HIVE за да ја анализира фотографијата и утврди дека постои 99,9% веројатност дека е генерирана од вештачка интелигенција.

Од сето погоре можеме да заклучиме дека фотографијата не е реална, таа е креирана со помош на вештачка интелигенција, што значи дека не е вистина оти на брегот на Индонезија се појавил џиновски октопод. Поради тоа, објавата ја оценуваме како неточна.

 

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Двајца полицајци се сомничат дека примиле поткуп за да не констатираат сообраќаен прекршок

МВР до Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на...