Индонезиската полиција го истражува, како што се сомнева, терористичкиот напад со нож на свештеник за време на венчавка, а присутни се припадници на антитерористичките единици затоа што постои сомневање дека во ранецот на напаѓачот се наоѓал експлозив.
Во инцидентот нема посериозно повредени, а свештеникот и напаѓачот добиле полесни повреди, соопшти полицијата од Медана, на југот на Суматра.
– Терористичкиот напад се случи рано утрово во црквата „Свети Јозеф“ – соопшти портпаролката на полицијата, Рина Сари Гинтинг.
Таа додаде дека полицијата го пребарува домот на напаѓачот за да провери дали поседува материјали од кои се прават бомби.
Сведок на случувањето во црквата соопшти дека напаѓачот седел помеѓу другите верници, а потоа се слушнала мала експлозија по што напаѓачот тргнал со нож накај свештеникот.
Во црквата се наоѓаат специјални одреди на полицијата за да истражат дали нападот е неуспешен обид на бомбаш самоубиец.
