Анитиглобалистите вчеравечер се судрија со полицијата во Хамбург за време на самитот на Г20, палејќи автомобили, кршејќи излози и фрлајќи шишиња, при што повредени се 197 полицајци, а приведени се 70 активисти.
Илјада полицајци со целосна опрема за разбивање толпа патролирале на повеќе од 30 локации каде што се случувале протестите. Најголем дел од демонстрациите биле мирни и креативни, но некои активисти фрлале молотови коктели, метални шипки и камења.
Полицијата го осуди насилството и го нарече „шокантна криминална енергија и висок потенцијал за насилство“.
Не се знае точниот број на повредени активисти, но противпожарната служба соопшти дека 60 лица биле примени во болниците низ Хамбург.
Германската канцеларка Ангела Меркел го осуди како „неприфатливо“ насилството на антикапиталистички ориентираните демонстранти во Хамбруг.
– Можам да разберам мирни протести, но загрозување на животот на самите демонстранти е неприфатливо – изјави Меркел.
