Најмалку 21 лице загинаа кога два чамци се превртеа во источниот дел на Егејско Море, на пат од Турција до Грција, соопштија грчките власти.
Кај островот Калиманос загинале 18 лица, а спасени се 138, соопштија денеска грчки владини претставници.
Во одвоените инциденти кај островот Родос рано утринава загинаа три лица.
Осум лица, меѓу кои има и деца, загинале вчера во Егејско Море во обид да стигнат до Грција.
Најголем број бегалци кои бегаат од сиромаштија или од земји зафатени од војна се обидуваат преку Грција да стигнат до другите членки на ЕУ.
