Најмалку 32 цивили се убиени на северот на Сирија, во бомбардирањето кое најверојатно го спровеле руските сили, соопшти Опсерваторијата за заштита на човековите права со седиште во Лондон.
– Авионите во четврток го бомбардираа градот Рака и локалитетите Ал-Баби во провинцијата Алепо. Меѓу жртвите имало и шест деца и 11 жени, а десетина лица се ранети – соопшти директорот на Опсерваторијата за човекови права, Рами Абделрахман.
Рака се смета за главно упориште на милитантите од Исламска држава.