Белата куќа соопшти дека го вработила својот прв трансроден функционер, што е потег кој, според зборовите на американската администрација, потврдува дека Вашингтон вложува напори во борбата против нерамноправноста.
Во соопштението на Белата куќа се наведува дека Рафи Фридмен-Гурспен е именувана за директорка за вработување при Канцеларијата за персонал.
Борците за заштита на човековите права наведуваат дека таа е прва отворена трансродна личност вработена во администрацијата на Белата куќа.
Фридмен-Гурспен претходно била политички советник во Нациналниот центар за рамноправност на трансродни луѓе.
Претседателот на САД, Барак Обама, кој се наоѓа на одмор на островот Мартас Вињард на почетокот се противеше на хомосексуланите бракови, но во 2012 ја поддржа иницијативата, и потоа прашањето за правата на ЛГБТ лицата го направи приоритет во својата политика.
