Вчера полицијата регистрирала нов случај на шверц на мигранти, откако при контрола на автомобил открила осум државјани на Иран, информираат од Министерството за внатрешни работи (МВР).
Според МВР, вчераноќ, околу 1 часот, на автопатот Гевгелија – Скопје, кај бензинската пумпа во Демир Капија, полициски службеници се обиделе да запрат возило, марка „мазда 323“, кое не застанало. Полицајците веднаш тргнале по него и на околу 500 метри го пронашле возилото, кое возачот претходно го напуштил и побегнал.
При прегледот на возилото, во него биле откриени осум илегални мигранти од Иран.
Полицијата презема мерки за пронаоѓање на возачот и за расчистување на случајот.
