fbpx

Во Албанија 170.000 Бугари има само во националистичките соништа

-

Бугарскиот весник „Труд“ во вчера објавена статија за 15-та светска средба на бугарските медиуми која што се одржуваше во Тирана во текот на викендот, меѓу другите информации протна и една невистина – дека најверојатно не само во регионот Голо Брдо, туку и околу Корча живееле меѓу 100 и 170.000 етнички Бугари“.

Весникот оваа невистина всушност ја пренесува во цитатот на Максим Минчев, генерален директор на Бугарската телеграфска агенција: „Во реоните на Голо Брдо нагоре, и Корча – тоа се три енклави во кои се зборува дека живеат 100 и 170 000 етнички Бугари“.

Но, иако несомнено од пред две години Албанија официјално признава постоење на бугарско малцинство во споменатите подрачја и несомнено има некои жители што се чувствуваат како Бугари, големиот број документарни емисии, новинарски прилози со разговори со жители на подрачјата Голо Брдо, но и во околу Корча, не ја потврдуваат ваквата теза од јадрото на бугарскиот национализам. За Мала Преспа дилеми и нема дека бугарско самосознание е нешто што речиси воопшто не е застапено.

Во она од погоре споменатата категорија што може да се најде како видео материјал на Јутјуб и на Фејсбук, несомнено е дека луѓето во огромен дел се изјаснуваат како Македонци, понекогаш како Горани – а зборуваа на дијалекти што со бугарскиот јазик, па дури и со бугарските западни дијалекти немаат никаква врска.

Дополнително, за какво етничко население живее во овие краишта на Албанија зборува и фактот дека летово Македонско друштво „Илинден”-Тирана и Македонско друштво „Илинден”- Огранок Голо Брдо, алармираа за лошата состојба на Македонците и побараа формирање на две општини – Голо Брдо и Гора – во подрачјата каде живеат Македонци. Досега не се слушна дека некој од жителите рекле дека не сакаат да ги нарекуваат Македонци, туку Бугари.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

„Шорткат“: Апликацијата ДИА како асистент на лицата со дијабетес

Во вечерашното издание на емисијата „Шорткат“ ги имаме Ѓорѓина Ристовска и Марио Мијатовиќ - млади иноватори кои ја креираа апликацијата ДИА, како асистент на лицата со дијабетес. Инспирирани од...