Српската православна црква (СПЦ) најбрутално ги навреди Македонците со последното соопштение, во кое наместо македонски христијани го употребува терминот „крстени души во БЈРМ“, реагираше денеска ВМРО-Народна партија, пренесе „Нова тв“.
– Крајно сме огорчени од негаторските и непријателски ставови кон сè што претставува идентитет на македонскиот народ, содржани во соопштението на СПЦ. Во него доминираат вулгарности и навреди кон државата, државниот врв, црквата, верниците и кон македонските граѓани – велат од партијата на Љубчо Георгиевски
ВМРО-НП ги повика сите загрижени патриоти и ревносни бранители на македонскиот идентитет, пред сè, Владата, претседателот, МАНУ, владејачката демохристијанска ВМРО-ДПМНЕ, Семакедонскиот конгрес, Македонскиот манифест и други граѓански здруженија, како и најзагрозената МПЦ-ОА, да застанат во одбрана од постојаната закана од северниот сосед, кој систематски ги уништува духовните вредности на македонскиот народ.
– Конечно е дојдено времето да се каже вистината: „Иако е од братска Србија, многу е“ – реагираат од партијата.