fbpx

ВМРО-ДПМНЕ: Упадите на СЈО по домови се „димна завеса“ за дефокус на јавноста

-

Специјалното јавно обвинителство и правосудните органи се ставија целосно во функција на хунтата на Зоран Заев и наместо да постапуваат согласно закон тие служат само за политичка пресметка со неистомисленици, реагираат од опозициската ВМРО-ДПМНЕ по денешните информации дека СЈО извршило претрес во домовите на поранешната министерка за култура и актуелна пратиничка во Собранието, Елизабета Кенческа – Милевска и поранешниот генерален секретар на Владата и на ВМРО-ДПМНЕ, Кирил Божиновски.

Од партијата велат дека „апсурдните упади во домовите се класична форма на политички притисок и заплашување на секој кој не ги поддржува деструктивните политики на СДС“.

„Активностите на СЈО секогаш служат за создавање димна завеса и дефокус на јавноста од реалните проблеми на граѓаните, со што медиумите под контрола на власта наместо да известуваат за катастрофата со која што се соочува државата и граѓаните, добиваат коска во форма на монтирани политички случаи на СЈО и судството под контрола на хунтата“, стои во соопштението од ВМРО-ДПМНЕ.

Оттаму порачуваат дека сите незаконски постапки во иднина ќе бидат ревидирани, а секој што „слепо извршувал политички наредби наместо да го почитува законот ќе биде соодветно санкциониран“.

Еленко Миланов, адвокат на Канческа -Милеска за „Фокус“ потврдил дека утринава во домот на поранешната министерка за култура бил извршен претрес од истражители на СЈО.

– Беше извршен претрес во домот на Канческа – Милеска, и тоа на електронски уреди и енвентуално документација – изјави Миланов, кој додава дека станува збор за предистражна постапка на СЈО.

Од СЈО засега не излегуваат со детали за извршениот претресите претреси.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Сојузот на синдикати најави три протести, првиот ќе се одржи во вторник

Работниците и граѓаните повеќе немаат изговор да не учествуваат на протестите што ги организира Сојузот на синдикатите на Македонија (ССМ), рече првиот човек на Сојузот, Слободан Трендафилов, на прес-конференција...