„Оливер Спасовски го надмина и својот шеф Зоран Заев и пред цела јавност покажа дека не е способен да организира миење на службено возило на МВР, со кое се возат највисоки странски делегации. Затоа наместо настапи на кои ќе промовира некоја реформа или успешна акција, Спасовски излегува со манипулации“, се вели во утринското соопштение на ВМРО-ДПМНЕ.
Во него се додава дека „приоритет за ВМРО-ДПМНЕ е подобрување на стандардот на граѓаните, а за СДС да дефокусира од ветувањата што ги даде.“
„Колкава е штетата од неодговорноста на СДС може само да се претпостави, како што може да се претпостават и мотивите на Спасовски и на Заев да не го одржуваат возилото во кое се превезуваат странски делегации“, велат од ВМРО-ДПМНЕ.
