Раководството на СДСМ живее само со деструкција, манипулации, закани, гнев и со омраза, се вели во реакцијата на ВМРО-ДПМНЕ по изјавата на лидерот на СДСМ, Зоран Заев, пред Собранието на Македонија, по повод две години од „црниот понеделник“.
Оттаму велат дека СДСМ досега нема предложени позитивен предлог за реформа или за мерка што би им помогнала на граѓаните и оти нема поддржано ниту една инвестиција, изградба на автопат или реконструкција на училишта и на болници.
„Такви луѓе никогаш не може да ја водат оваа земја. Може нивната партија и членство сакаат ваква стратегија, но најголемиот дел од народот мисли поинаку. Мисли за доброто на државата и затоа и по нивни долги и негативни кампањи, губат со повеќе од 200.000 гласа разлика“, се вели во реакцијата на ВМРО-ДПМНЕ, во која од партијата додаваат и дека СДСМ шири хаос само за да не бидат прашани што направиле и каква програма создале.
