„Време е да сопре очајничкото однесување на Зоран Заев и на СДСМ, кое оди против волјата на граѓаните. Целата јавност гледа дека Зоран Заев е подготвен „да ја свитка кичмата“ за личниот интерес и за болната желба за власт“, порача во соопштение претпладнево ВМРО-ДПМНЕ.

Партијата вели дека СДСМ не постапувал така првпат, оти „во 2004 година го донесоа Законот за територијална поделба за да се дограбат до функцијата претседател, а граѓаните на Република Македонија, особено на Струга и на Кичево, и ден-денес ги трпат последиците“. ВМРО-ДПМНЕ во соопштението ја повтори својата понуда од викендов да поддржува малцинска влада на СДСМ, доколку партијата се откаже од „албанската платформа“.