Во СДСМ се во поника бидејќи креираните материјали, во согласност со важечките закони, судот ги отфрли од доказна постапка како незаконски, реагираат од ВМРО-ДОМНЕ на денешната изјава на генералниот секретар на СДСМ, Оливер Спасовски, во која тој одлуката на судот ја оцени како незаконска.
„Врз база на законски одлуки, судот утврди дека овие креирани материјали се илегални, што ќе значи обврска да се утврди кои лица ги креирале и ги користеле, со што ги прекршиле законите на Република Македонија“, стои во писмената реакција на ВМРО-ДПМНЕ.
Од владејачката партија велат дека тоа го знаеле и СДСМ и целата стручна јавност, бидејќи законот е јасен, но се однесувале поинаку за да го лажат членството дека „со креираните и монтирани материјали и со манипулации преку нив ќе дојдат на власт“.
„Во изјавата на Оливер Спасовски има отворени закани до судиите, со јасен обид да ги заплашат. Оттука се гледа дека ако во опозиција вакви закани испраќаат на судиите, какви ли ќе бидат малтретирањата врз судството кога оваа банда би била на власт“, велат од ВМРО-ДПМНЕ.
