Срамната изјава на Дамјан Манчевски е показател дека на СДСМ не само што му пречи успешна Македонија, туку му пречат и луѓето кои се едни од најважните членови на тимот што постигнува врвни економски резултати во време на економски и политички кризи, реагираат од владејачката ВМРО-ДПМНЕ на денешната изјава на Манчевски.
„Ставрески беше дел од економскиот тим кој ја намали невработеноста од 38 на 24,5 отсто. Менторите на Дамјан Манчевски од СДСМ беа дел од тимот што ја спроведе срамната приватизација и ја раскрчми државата. Ставрески беше дел од економскиот тим што во Македонија донесе повеќе од 50 директни странски инвестиции, кои резултираа со илјадници работни места. Менторите на Дамјан Манчевски беа дел од економскиот тим на СДСМ што избрка 200.000 луѓе на улица, ја уништи економијата и судбините на стотици илјади Македонци. Ставрески може да се пофали со придонес кон отворање на повеќе од 150.000 нови работни места. Манчевски може да се пофали со одржување на срамна прес-конференција на која оставката од здравствени причини на досегашниот вицепремиер и министер за финансии ја искористи за презентација на нечовечноста и на ароганцијата која е потпис на СДСМ“, реагираат од ВМРО-ДПМНЕ.
